Ungmennasambandið Úlfljótur
  • HEIM
  • UM USÚ
    • AÐILDARFÉLÖG
    • STJÓRNIR OG NEFNDIR
    • ÁRSRIT USÚ
    • FORVARNARSTEFNA
    • VIÐURKENNINGAR
      • ÍÞRÓTTAMENN USÚ
      • HEIÐURSFÉLAGAR
    • AFREKASKRÁ Í FRJÁLSUM
  • LÖG OG REGLUGERÐIR
    • LÖG USÚ
    • STYRKTAR- OG AFREKSSJÓÐUR
    • SKIPTING LOTTÓTEKNA
    • KJÖR ÍÞRÓTTAMANNS USÚ
Home» Fréttir » 84. ársþingi USÚ lokið

84. ársþingi USÚ lokið

Posted on 17/03/2017 by USÚ in Fréttir, Máni, Sindri - No Comments

Ársþing USÚ, það 84. í röðinni fór fram í gistiheimilinu Hoffelli í gær, 16. mars. Þingið var ágætlega sótt, 29 fulltrúar af 41 mættu frá flestum félögum. Því miður mætti enginn frá Akstursíþróttafélagi Austur-Skaftafellssýslu og Skotfélagi Austur-Skaftafellssýslu.

Jóhanna Íris Ingólfsdóttir, formaður USÚ, setur þing. (Mynd: SÓJ)

Hluti þingfulltrúa (Mynd: SÓJ)

Ýmislegt var á döfinni hjá USÚ á árinu og má þar nefna unglingalandsmót sem haldið var í Borgarnesi um verslunarmannahelgina. Á mótinu í Borgarnesi, var það tilkynnt að USÚ var valið til að halda 22. Unglingalandsmót UMFÍ árið 2019.

Hreyfivika UMFÍ var haldin 23.-29. maí, í fyrsta sinn að vorlagi. Boðið var upp á ýmsa viðburði í hreyfivikunni, en gott hefði verið að fá meiri mætingu á þá. Í ár verður hreyfivikan 29. maí til 4. júní og eru uppi ýmsar hugmyndir um hvað hægt sé að bjóða upp á í henni. Í ár er t.d. hugmyndin að endurvekja mótið „Í formi“ og halda það í vikunni.

USÚ sendi sína fulltrúa á þá fundi og þing sem okkur bar, eins og sambandsráðsfund og vorfund UMFÍ. Þá var fulltrúum sambandsaðila UMFÍ boðið í heimsókn til forseta Íslands á degi sjálfboðaliðans, 5. desember.

Tvær tillögur frá stjórn lágu fyrir þinginu.  Fyrst má nefna hvatningu til ungmennafélaga til að fjölmenna á Landsmót UMFÍ 50+ í Hveragerði 23.-25. júní n.k. og á unglingalandsmót UMFÍ á Egilsstöðum um verslunarmannahelgina. Við þessa tillögu var bætt á þinginu, og felur hún því einnig í sér hvatningu til að taka þátt í almenningsíþróttaverkefnum á vegum UMFÍ og ÍSÍ.

Þá voru samþykktar breytingar á lögum USÚ.  Lög USÚ eftir breytingar má finna hér.

Stjórn USÚ gaf kost á sér til endurkjörs og var endurkjörin. Hana skipa: Jóhanna Íris Ingólfsdóttir, formaður, Kristján Örn Ebenezarson, ritari, og Sigurður Óskar Jónsson, gjaldkeri. Á þinginu kom fram tillaga um að rétt væri að kjósa tvo varamenn stjórnar. Stungið var upp á Matthildi Ásmundardóttur, Sindra, og Ástu Steinunni Eiríksdóttur, Mána, og var það samþykkt.

Ragnheiður Högnadóttir, stjórnarmaður í UMFÍ, flutti ávarp. Hún lauk máli sínu með því að sæma Örnu Ósk Harðardóttur starfsmerki UMFÍ.

Ragnheiður Högnadóttir og Arna Ósk Harðardóttir, starfsmerkishafi UMFÍ. (Mynd: SÓJ)

Garðar Svansson, stjórnarmaður í ÍSÍ flutti einnig ávarp. Hann lauk máli sínu með því að sæma heiðurshjónin Guðrúnu Ingólfsdóttur og Zophonías Torfason, silfurmerki ÍSÍ.

Zophonías Torfason og Guðrún Ingólfsdóttir, silfurmerkishafar ÍSÍ. (Mynd: SÓJ)

Íþróttamaður USÚ var útnefndur á þinginu auk þess sem þrír ungir iðkendur hlutu hvatningarverðlaun USÚ fyrir árið 2016. Nánar má lesa um þessar viðurkenningar í frétt sem birtast á síðunni síðar í kvöld eða á morgun.

Hér er hægt að lesa skýrslu stjórnar USÚ fyrir árið 2016.  84. ársþing USÚ ársskýrsla. Reikningar sambandsins eru í skýrslunni og einnig er þar að finna starfsskýrslur flestra aðildarfélaga.  Þegar þetta er ritað vantar enn skýrslu frá Skotfélagi Austur-Skaftafellssýslu. Henni verður bætt við þegar hún berst.

Leave a Reply Cancel reply

Netfang þitt verður ekki birt. Nauðsynlegir reitir eru merktir *

Ungmennasambandið Úlfljótur

  • Sími formanns: 848-1645
  • usu@usu.is

Tenglar

  • Íþrótta- og ólympíusamband Íslands
  • Unglingalandsmót UMFÍ
  • Ungmennafélag Íslands
  • USÚ á facebook

USÚ á facebook

RSS Fréttir frá UMF. Sindra

  • Fyrirlestur um hugarþjálfun íþróttamanna 14/01/2021 Jóna Benný
  • Skrifstofa UMF. Sindra verður lokuð yfir hátíðarnar 22/12/2020 Jóna Benný
  • Jólagjafirnar fást hjá Jako 03/12/2020 Jóna Benný

RSS Fréttir frá UMFÍ

RSS Fréttir frá ÍSÍ

  • Sendiherra Íslands í Japan í heimsókn hjá ÍSÍ 15/01/2021
  • Rafrænar afreksbúðir ÍSÍ 14/01/2021
  • Íþrótta- og tómstundastyrkur vegna áhrifa af Covid-19 14/01/2021

(c) 2012 Ungmennasambandið Úlfljótur - NetZone

  • HEIM
  • UM USÚ
    ▼
    • AÐILDARFÉLÖG
    • STJÓRNIR OG NEFNDIR
    • ÁRSRIT USÚ
    • FORVARNARSTEFNA
    • VIÐURKENNINGAR
      ▼
      • ÍÞRÓTTAMENN USÚ
      • HEIÐURSFÉLAGAR
    • AFREKASKRÁ Í FRJÁLSUM
  • LÖG OG REGLUGERÐIR
    ▼
    • LÖG USÚ
    • STYRKTAR- OG AFREKSSJÓÐUR
    • SKIPTING LOTTÓTEKNA
    • KJÖR ÍÞRÓTTAMANNS USÚ